unnamed
uha-web-banner-ad Togdheer News Network
logo
logo
head
dahab
<<< Click here to contact us or Send Email to: editor@togdheernews.com>>>
head
head

XARAARADA SIXIR BARARKA XAL LOOMA WAAYIN

XARAARADA SIXIR BARARKA XAL LOOMA WAAYIN
MAXAA SABABAY, MAXAA DARDARGELIYAY, MAXAASE XALA
1.    Maxa sababay sixr bararka?
Sida aynu wada ogsoonay ganacsiga aynu dunida inteeda kale la leenay
waa mid aan dheelitirnay ee dhan ka raran; waa mid aynu inta badan
inagu uun wax soo waaridano balse waxa aynu dhoofino ee aynu dunida
kale u’ dirnaa uu yahay mid kooban. Taasina waxa ay keensatay in
laynooga baahdo doolar ka badan ka aynu ka helno ganacsiga kooban ee
aynu dunida kale u dirno.
Tusaale ahaan
(a)    waxa aynu soo dejinaa ee lacag adag laynaga qaadaa:
    Dhamaan qalabka dhismaha,
    Maciishada ama cuntooyinka in ka badan 95%,
    Hu dhamaantii,
    Noocyada kala duwan ee gaadiidka, marka laga reebo naflayda,
    Dhamaan qalabka electronic ga iyo electronics ka,
    Shiidaalka,
    Waxyaabaha laysku qurxiyo, sida kiriimada,
    Qaadka iyo sigaarka,
    Sheerka DPWorld ee dekeda;
    Iyo waxyaabo kale.
(b)    Waxyaabaha aynu dhoofino ee ay lacagi inaga soo gasho:
    Xoolaha nool,
    Hargaha,
    Beeyada iyo xabkaha,
    Iyo waxyaabo kale oo kooban.
(c)    Meelaha kale ee ay lacagi inaga soo gasho:
    Lacagaha ay qurbajoogtu wadanka soo galiyaan,
    Lacagaha deeqaha ah ee aynu ka helno wadama caalamka lana soo
mariyo haayadaa,
    Dalxiiska iyo visayaasha
    Iyo waxyaabo kale oo kooban.
U fiirso:
A ma leegtay B+C, a=b+c ?
Hadii ay maya tahay jawaabtu balse uu badanay (a) oo ah lacagta aynu u
baahanay si aynu wax usoo waaridano, waxa lama huraan ah in qiimaha
shilinkeenu hoos u dhaco oo aynu dareeno sixir barar.
Ganacsigaa aan isu dheelin tirnayn ee dunida inaga dhexeeyay waxa uu
ahaa mid soo jireen ahaa balse soo kordhayay marba marka ka danbeya,
waayo baahideena aynaa isa soo taraysay basle maxaa cusub ee keenay
korodhkan laxaadka leh ee lawada dareemay?
2.    Waxyaabaha karaariyay xawaaraha sixir bararka ama doolar bararka:
Isaga oo sixir bararku horeba u jiray oo qiimaha halka doolar uu ahaa
todoba kun iyo shanboqol oo shilinka Soomaaliland ah ($1 = SLSH 7500)
intii ka horaya 2017, waxyaaha keenay in uu mudo hal sano ah ku gaado
($1+SLSH 10,500) waxa loo aanayn karaa saddex shay oo kala ah:
I.    Dhoofkii xoolaha nool oo joogsaday ama aan si joogto ah u socon;
Taas oo sababtay in aynu ku wayno dhaqaale laxaad leh (doolar) oo
inaga soo galijiray dhoofka xoolaha nool.
II.    DP World; Dhaqaale laxaad leh oo inaga soo gali jiray dekeda
Berbera oo isna u leexday qasnada shirkada maamusha dekeda isla
markaana ay shirkadu u bedesho doolar kharashaadka ku soo gala SLSH(
doolar inaga baxa) marka laga reebo mushahaarka shaqaalaa iyo sheerka
dawlada oo soo noqda marka danbe.
III.    Qaadka; qaadka ayaa isna aynu kusoo iibsanjirnay lacagta Birta ee
Itoobiya oo inaga soo galijirtay magaalo ganacsiga ku taal xuduudka
aynu la leenay Itoobiya ee wajaale. Hadaba waxa is bedelay in lacagtii
qaadka lagu soo iibsanjiray oo ku biirtay ashyaada kale ee lacagta
doolarka laynaga iibiyo (doolar inaga baxa).
Ma la maarayn karo sixir bararka?
Sixir bararka ama doolar bararka waa la maarayn karaa hadii lagu
dhiirado in la fuliyo qodobadan:
a.    In suuq loo raadiyo dhoofka xoolaheena;
b.    In suuq loo raadiyo macdanaha kala duwan eek u duugan dhulkeena;
c.    In suuq loo raadiyo kalluunkeena;
d.    In la helo shirkad(o) ku dhiirada inay soo saran shiidaalka
dalkeena lagu sheegay;
e.    In la dhiirigaliyo wax soo saarka beeraheena;
f.    In culays wayn la saaro waxyaalaha aan daruuriga ahayn ee aynu soo
waaridano;
g.    In la dardargeliyo maalgalinta dekeda Berbera si aynu uga helno
dhaqaale daboola ama kabadan kii aynu hore uga heli jirnay iyo ka
sarika ee ay shirkadu u baahantay dekeda.
Qoraalkani waa fikradayda iyo aqoontayda dhaqaale waana la dhaliili
karaa
Ahmed Saed Dirie
asdiiriye@gmail.com
0633489999

Latest News

  • Somaliland oo ka digtay dhuxusha loo iib geeyo Puntland
  • Erdogan: “Codadkii Laga Hayey dilka Khashoggi wuxuu cabsi galiyay sirdoonka Sacuudiga,”
  • Hay’adda barakacayaasha oo kulan u qabatay qoxoontiga yemen
  • Agaasimaha baanka dhaxe ee Somaliland ayaa ka warbixiyey Safar uu ugu Maqnaa Jabuuti.
  • Dayaca iyo Burburka ka muuqda Goobti Madax-banaanida S/land Lagaga dhawaaqay

Latest Articles

  • Maamul Xumo baahsan oo hadhaysay Gobolka Daadmadheedh iyo Badhasaabkii ugu liitay Badhasaabadii soo maray gobolka oo uu ku iloobay Madaxweynuhu.
  • XAQ DARO XALKEEDU ADKAAN DOONO (XADHIGA AXMED CADIB)
  • WAARI MAYSIDE WAR HA KAA HADHO (WQL) Muhamed Dhimbiil
  • SU’AAL DADWEYNOOW?
  • WARQAD FURAN !

head


All Rights Reserved | Copyright © 2005-2016 : Togdheer News Network | Powered by Horn Digital