unnamed
uha-web-banner-ad Togdheer News Network
logo
logo
head
dahab
<<< Click here to contact us or Send Email to: editor@togdheernews.com>>>
head
head

Farmaajo Xaq ma u leeyahay inuu ka hadlo 26ka June, waajibse ma ku tahay inuu barto taariikhda Somaliland ? By: Cali Xaruuri

 

Waxaan filayaa in dad badani ay daawadeen xafladdii 26-ka June lagu qabtay  Aqalka dowladda Hoose ee Muqdisho oo ahayd munaasabad lagu xusayay sanad guuradii 57-aad ee ka soo wareegtay maalintii Somaliland xoriyadda ka qaateen maxmiyaddii ingiriiska,  xafladdaas oo  aniga iigu muuqatay Dhalanteed iyo RIWAAYAD la jilayey oo looga dan lahaa keliya sheegasho inay Somaliland ka mid tahay Federaalka Somalia.

 

Haddaba Farmaajo ayaa goobtaa  ka soo jeediyey  khudbad  uu waraaq ka akriyayey oo ay u soo malmalluuqeen rag aan aqoon durgusan u lahayn taariikhdii halgankii xorriyadda Somaliland. Walow Farmaajo  uu tahli kari waayey inuu si fiican u kiciyo magacyada haldoorkii u soo kifaaxay madaxbannaanida Somaliland oo sidii qof Ajanebi ah uu u higgadinayey (oo aad mooddo GUDH-DHUU).

 

Dhacdadani waxay i soo xusuusisay taariikhdii 1980kii AASKII QARAN ee loo sameeyay Muuse Xaaji Ismaaciil Galaal (AHN),  iyo wixii kala qabsaday Abwaan Ali Sugulle Cigaal ” Dun-carbeed” (AHN) iyo Siyaad Barre.

 

Siyaad Barre ayuun baa damcay in uu xabaasha dusheedii ka  khudbadeeyo,

Cali Sugulle ayuun baa ciil is hayn kari waayey oo yidhi “ukaadi ukaadi Madaxweyne Muuse Galaal maad aqoonne,  ninkaad taqaan baa laga khudbadeeyaaye kan anaa aqaan oo ka khudbadaynaye’e!”.  Dabadeed Abawaan Cali Sugulle intuu Siyaad Barre is agtaagay ayuu tiriyey Gabaygii caanka noqday,  oo haddii aan tuduc ka mid ah soo qaato wuxu yidhi

 

Goldalooladeennii kuwii, kula gufeyn waayey

Ee nolosha kugu gabay ayaa, taagan goonyaha
Markaad guurtay bay leeyihiin, ina galaalow
“.

 

Haddaba waxay ahayd ninkan AKAAKADA ah ee Cabdi Xaashi (gudoomiyaha Maqaar Saarka ah ee qalka Sare ee Somalia) inuu Farmaajo ku yidhaahdo “waar ka baydh adigu 26ka June ma taqaanide,  1da July  ka khudbadee anigaa tan ka khudbadeynaye”e.  Xiniinyo la isma dhibaadsho, ragga ka soo jeeda Somaliland ee u shaqa tegay Somalia waa rag bahdii laga saaray oo dadnimo iyo damiirba aan lahayn.

 

Waxa ay ila tahay in Farmaajo aanu xaq u lahayn ka hadalka halgankii Xorriyaddoonka Somaliland, taariikhdaana aanay waajib-ba ku ahayn inuu barto iyo inuu ka sheekeeyo, balse doorka keliya ee uga bannaanaani ay tahay keliya in uu HAMBALYO u diro  Shacbiga iyo dawladda Somaliland si la mid ah sida uu u tahniyadeeyo  27ka June ee Xorriyadda Dalka Djabouti.

 

Wa billaahi tawfiiq

 

Qalinkii Cali Xaruuri

 

Latest News

  • Siyaasi Ismaaciil Buubaa Oo Ka Hadlay Khilaafka Isgaadhsiinta ee u Dhaxeeya Somaliland Iyo Somaliya
  • Shir Lagaga Hadlayay Amaanka Dalalka Geeska Afrika ayaa Lagu Qabtay Dalka Jabuuti.
  • Madaxweyne Muuse Biixi Cabdi Oo Kulan La Qaatay Raysal Wasaaraha Dalka Itoobiya
  • Madaxweyne Farmaajo Oo Lagu Soo Dhaweeyay Magaalada Dhuusa Mareeb.
  • Taayirka La Tuuro Ee Gaadiidka Oo Laga Samaynayo Qalabka Guryaha.

Latest Articles

  • Maxaa inoo diidaya inaynu ciyaarno doorkeena siyaasadeed ee Gobolka inagoo bilaa aqoonsi ah! W/Q Mohamed Abdirahman
  • Tacsi Tiiraanyo Oo Leh Oo Ku Socda Marxuun Aadan Siciid (Aadan Dooc) Oo Ku Geeriyadoy Burco.
  • African Borders Are Based On Land, Not On Clans..Ibrahim Hassan Gagale
  • Farmaajo Dab buu ku ciyaarayaa. (Farmajo is playing with fire)…By: Ali Xaruuri
  • TACSI KU SOCOTA MARXUUMAD RUUN DAAHIR QODAX OO KU GEERIYOOTAY DALKA INGIRIISKA

head


All Rights Reserved | Copyright © 2005-2016 : Togdheer News Network | Powered by Horn Digital