unnamed
uha-web-banner-ad Togdheer News Network
logo
logo
head
dahab
<<< Click here to contact us or Send Email to: editor@togdheernews.com>>>
head
head

Maansadii “Addoon’nimo”.Waxa tiriyey Abwaan,Maxamed Shugri Jaamac.

​Runtii gabayaagu ama hal abuurku, inta badan waxa uu aragtidiisa ku cabiraa ,dad waynahana ugu soo gudbiyaa ,suugaan isaga oo markaasi tilmaamaaya dhaliil iyo qalooc markaasu u muuqday .

Abwaan Maxamed Shugri Jaamac, waxa uu maansadan kaga hadlayaa ,qiimaha uu Aadmigu leeyaay marka uu si sax ah u ogolaado Adoonimada Rabbigiis.

Waxa uu ku bilaabay:

Addoon’nimadu waa qiimuhu

Aadmi leeyahay’e.

Waa ujeedka noloshiisa gebi

Loo agaasimaye.

Waa abuurka nuxurkiisa bilan

Loo abqaalbidaye.

Waa idlaadka meeshay murtidu

Aabiyoow tahaye.

Waa xil aan nin oofsadey la arag

Lagana eegeyne!

Ninka ood ku tuuraa majeer

Lagu ekeeyaaye.

Hayeeshee ninkii aad u gaba

Umalku weeyaane.

Eber iyo madoorshay tixdani

Awra leedahaye.

Uubatada baxaysay rabtaa

Iney ajiibaane.

Asaagiin halkuu sahandey

Eega leedahaye.

Ambaqaad kalay dhawraysaa

Iney aflaxaane.

Istiqfaarka waxa laga helaa

Aawey faraweyne.

Ambiilbaa ka furan buu duliga

Eebe leeyahaye.

Orod iyo dedaalbay Hurrow

Oogso leedahaye.

Awaaraha ka toosbay Hurdaw

Kugu amreysaa.

Maansadan waxaa tiriyay,Abwaan Maxamed Shugri Jaamac.

Latest News

  • Gudoomiye Cirro Oo La Kulmay Madaxa Baarlamaanadda Aduunka
  • Qoraa Boobe Yuusuf Ducaale Oo Ka Hadlay Taariikhda Marxuumad Faadumo Axmed Dhimbiil
  • Dalka Itoobiya Oo Shaaciyay In Dadweynaha Qaaradda Afrika Fiise La’aan Ku Soo Gali Karaan…
  • Baydhabo:-Gudida Fatahaadaha Kooonfur Galbeed Oo La Magacaabay
  • Madaxweynaha Somaliland Oo Ka Hadlay Dagaalka Tuko-Raq Iyo Waxyeeladii Dufaanta

Latest Articles

  • SOMALILAND MA WAXBAA U DHIMAN MISE WAXBAA KA SI’ AH. W.Q Liibaan Shaadiro Qaybtii Labaad
  • TAARIIKHDA DAWLADA SUCUUDIGA IYO QAABKII LOO AAS-AASAY WAX KA BARO. Qormadii 22` aad .
  • Xasuustayda Weedho Kooban Oo AHN.Maxamed Nuur Giriig Ka Yidhi Sahra Axmed Jaamac: Q.2aad…
  • Muxuu yahay qorsha-hawleedka hayada Duulista iyo Madaarada Jamhuuriyada Somaliland??
  • Taariikh Nololeedkiisii: Godka Lagu JanneeHoygiisi Buu Cali Ibraahim Maxamed (Cali Sanyare) Tagee Duco Ku Sii Hooya.

head


All Rights Reserved | Copyright © 2005-2016 : Togdheer News Network | Powered by Horn Digital