unnamed
uha-web-banner-ad Togdheer News Network
logo
logo
head
dahab
<<< Click here to contact us or Send Email to: editor@togdheernews.com>>>
head
head

Farmaajo Dab buu ku ciyaarayaa. (Farmajo is playing with fire)…By: Ali Xaruuri

Faragelinta iyo Xadgudubka Somaliya ee ku wajahan Somaliland waa kuwii ugu darnaa tan iyo 1991. Mawqifka Xukuumadda Farmaajo waa mid xagal daacinaya wada-hadalladii Somaliland iyo Somaliya, waana mid halis ku ah dadaaladdii iyo fursaddahii lagu abuurayay jawi suurta geliya in heshiisyo waara lagu gaadho oo la noqdo 2 dal oo deris ah.

Afxumo colaad waxba kaagama tarto nabaddna way kaa kaxeysaa.

Gardarrada iyo Daandaansiga qaawan ee noocan ahi waa qaar keeni kara cawaaqib xumo oo dhaxal xumo ku reebi kara labada shacbi ee walaalaha ah.

Ficiladan isa soo taraya ee sheegashada hawada Somaliland iyo ku xadgudubka dhulkeedu waxay muujinayaan in Dawladda Xamar aanay doonayn wax wada-xaajood ah, oo aanay marnaba daacad ka ahayn wada hadalkii u socday muddada dheer, haatanna ay isku dayeyso in ay minjo xaabiso heshiisyadii hore loo gaadhay.

Ujeeddada Farmaajo iyo wuxu uga dan leeyahay arrimahaasi “waa qiiq isku qarin” iyo inuu Shacbiga ka jeediyo xaqiiqada jirta, kadib markii uu ku guul-darraystay xilkii loo igmaday oo Dadweynihii ku hungoobeen. Ma aha markii uu tahli kari waayay inuu xal u helo arrimaha gudihiisa inuu bilaabo hawl-gallo qar iska xoornimo ah.

Cudurka kaa gala fardaha haddii laga gubo dameer dawada lama gaadhayee.

Maha in maamulka Muqdisho uu murrankii badda ee Kenya kala dhexeeyey uu isku dayo inuu uga xuub siibto sheegashada hawada Somaliland. Somaliya waa in ay hurdada ka toostaa oo ogaataa in tallaabooyinka noocaasi ahi aanay meelna gaadhsiinayn.

Falaadhi gilgilasho kaagama go’ do

Somaliya waa in ay maanka ku haysaa in aan cidna sharci darro ku siin karin hawada Somaliland, Somalilandna aanay marna iyo sinaba u aqbali karin in hawadeeda la qaato, isla markaana u dulqaadan doonin in lagu soo xadgudbo ciiddeeda.

Somaliland Guul iyo Gobonimo

Qalinkii Cali Xaruuri

Holland

Latest News

  • Daawo:Xukuumada Somaliland Ayan Wali Ka Hadal Xadhiga Sadex Xildhibaan Oo Ka Tirsan Golaha Deganka Odwayne
  • Daawo:Maamulka Gobolka Shabeelada Dhexe Ayaa Deeq Dawo Ah Gaadhsiiyey Cisbitaalka Gobolka
  • Daawo:Madaxwaynaha Somaliland Ayaa Xafiiskiisa Ku Qaabilay Wafti Ka Socda Urur Gobaleedka EGAD
  • Daawo:Warbixin Nin u Dhashay Dalka Jaban oo saaco ku Taajiray
  • Daawo:Dawlada Qatar Ayaa Somalia Ugu Deeqday Gadiidka Hawgalka Ciidaanka Booliska

Latest Articles

  • Xukuumadan hada jirtaa ma tahay tii ka mira dhalin lahayd wada hadalada Somaliland & somaila. W/Q Maxamed Cismaan
  • Fadeexado Dul Hoganaya Badhasaabka iyo Taliayaha Boliska G.Daadmadheedh
  • Tacsi Tiiraanyo Oo Leh Oo Ku Socda Marxuun Eng.Cabdi Cali Jaamac Oo Ku Geeriyadoy Magaalada Hargaysa.
  • Dallada SSE oo mudnaanta koowaad u aragta isku duubnida iyo wada-jirka ummada reer Somaliland
  • Hadalka Ra’iisal-wasaaraha Ethiopia waa farriin culus oo ku wajahan Xaalad-abuurka Xukuumadda Xamar: Ali Xaruuri

head


All Rights Reserved | Copyright © 2005-2016 : Togdheer News Network | Powered by Horn Digital