unnamed
uha-web-banner-ad Togdheer News Network
logo
logo
head
dahab
<<< Click here to contact us or Send Email to: editor@togdheernews.com>>>
head
head

Sheeko Kale: Ii Ducee Cabdisalaam Yaasiin

Nin baa muddo badan doonayay in uu magac yeesho, madax noqdo, oo maal yeesho. Muddo markuu dammacii dabajoogay, da’na uu noqday, ayaa islaantiisii maalin ku tidhi, “Ee wax ma kuu sheegaa?” “Haddii ay kaa qabsatay in aad madaxnimo iyo maal hesho, asaanad ilaa immika waxba hayn, aan islaan faalisa kuu geeyo bal in ay sheegto in wax ku leexsanyihiin.”

“Ee yaahee! Walaahi talo! Marnaba xagaa kama eegin.” Ayuu celiyay odaygii. “Waxan ku idhi, bal soo ballami islaantaa aan u tagnee.”

Islaantii faalisada ahayd ayay u tageen madaxdoon iyo islaantiisii. Faalkii ayaa loo rogay. Faalisadii waxay u bushaarayssay in uu Madaxweyne noqonayo, maalna yeelanayo, iyaga oo farxsan ayay kuus lacag ah siiyeen oo ka tageen faalisadii.

Madaxdoon faalkii baa u baxay oo Madaxweyne ayuu noqday. Dal iyo duunyoba wuu hantiyay; maal iyo magacna wuu yeeshay. Da’ iyo taws baas ayaa soo gudagashay.

Intii aanu xilka wareejin ayuu u tegay islaantii faalisada ahayd. Wuxuu ku yidhi, “Haddii geeriyi ku dayso, gabow baan ku daynayn; waad i aragtaa oo xaggii loo badnaa ayaan u socdaaye, ee ii ducee.”

“Anigu wax baan deberaa, ma duceeyo,” ayey ku tidhi faalisadii, “hadaadse aad duco dooni iyo in dambigaaga la dhaafo oo dabka Naar ka badbaado, wadaadkii Aw Dilaal ee durbaanka tunta, duubi kuus ah u geeyoo, dalo ii yar baneeyoo, ii ducee ku dheh sheekha!!!”

 

Latest News

  • Daahir Riyaale Oo Khudbad Tariikhiya Ka Jeediyay Munaasibadda 18-May
  • Khudabadii Madaxwayne Biixi ee sanad guurada 18may
  • Prof Cali Khaliif Oo Ka Hadlay Munaasiadda 18- May
  • Gudoomiyaha Golaha Guurtida JSL Oo Ka Hadlay Colaadda Ceel Afwayn
  • Ambassadorka Ethiopia u qaabilsan Somaliland oo ka hadlay 18 May

Latest Articles

  • SOMALILAND MA WAXBAA U DHIMAN MISE WAXBAA KA SI’ AH. W.Q Liibaan Shaadiro Qaybtii Labaad
  • TAARIIKHDA DAWLADA SUCUUDIGA IYO QAABKII LOO AAS-AASAY WAX KA BARO. Qormadii 22` aad .
  • Xasuustayda Weedho Kooban Oo AHN.Maxamed Nuur Giriig Ka Yidhi Sahra Axmed Jaamac: Q.2aad…
  • Muxuu yahay qorsha-hawleedka hayada Duulista iyo Madaarada Jamhuuriyada Somaliland??
  • Taariikh Nololeedkiisii: Godka Lagu JanneeHoygiisi Buu Cali Ibraahim Maxamed (Cali Sanyare) Tagee Duco Ku Sii Hooya.

head


All Rights Reserved | Copyright © 2005-2016 : Togdheer News Network | Powered by Horn Digital