unnamed
uha-web-banner-ad Togdheer News Network
logo
logo
head
dahab
<<< Click here to contact us or Send Email to: editor@togdheernews.com>>>
head
head

Waa Maanso Cusub oo la Magac baxday ” Burhaan” Waxa tiriyay Abwaan,Yusuf Roobleh Xirsi(Sandoon)

Abwaanku waxa uu Maansadan kaga hadlayaa Diinteena Islamka iyo sida ay markasta uga warantyo qisooyin iyo taariikho soo jireena oo dunidan soo maray dibna usoo mari doona .waxa kaloo uu abwaanku ka hadlayaa sida aanay marnaba umadu u baraarugayn una samaynayn horumar iyo dadaal la taaban karo.Waatan Maansadii:

TAARIIKH cilmaa laga bartaa

lagana baadhaaye

Buuggeeda waa la akhriyaa

baaxadda leh weyne

Burhaan ay siddaa lala baxaa

waadka bogataaye

Baalkaad rogtaba boqol qisaa

kaaga soo baxa’e.

Baadida asqaw beri ku dhacay

balanbal hooggooda

arbaciin sanay baahayeen

Banu Israa’iile

Ciqaab loo bandhigay bay ahayd

baaba’ii helaye

Bayaankii Ilaahay baree

ugu bushaareeyey

Baalbay ka dhaafeen intay

Nebiyo beensheene.

Badankood birtay ka aslayeen

Diliyo baabiine

Wacad laga baxaabay barteen

oo la buriyaaye

Boqorkii abuuray la muran

ugu bilaabeene

Sac layidhi bireeyay inbadan

Baal kamarayeene

Waa baqarah sheekadu halkay

Baab ku leedahaye

Bixisadu ninkii aywaddaa

Waano boganwaaye

Bartii aymareen kooxihii

Beri fallaagoobey

Soomaalidaa baahdaybaa

Looga baqayaaye

Bannaan iyo bartii aan lahayn

Babac la yaacaayo

Ninka baqaha soo faagashada

Buurta fano diiday

Boholbuu cagaa kula dhacaa

Baacyo dheer qodane

Buska iyo dabayshaa ku roga

Boodhka iyo ciide

Bahalaa ku cuna waaqla aan

Ruux kasoo bixine

Bulshadaan baraarugay aqoon

Baylahdana dhawran

een beegso qayrkaa is odhan

Budulka uu jeexay

Berri tiigso waayaa kabaran

Badi dadaalkaaga

Bidhaantiyo hirkaa baxaya dayo

Bixitin oo tiigso

Buunkiyo caroogguna u bixin

Nolosha baaqeedu

Beer-raqana aan uba bislaan

Een u boholyoobin

Babisiyo dabaylaa lataga

Badanka duufaane

Birta sebennadaa jiidhaysee

Buuranee adage

Baaba’ iyo jab kama baaqsadaan

Biiya oo tira’e

Dadkii aan ka beermoow dhibbaa

Badatay oo taale

Billaahiye miyaan laga baxayn

Hawshan bahardaaday.?

Maansadan waxa tiriyey Abwaankeenii waynaa ee Yusuf Roobleh Xirsi(Sandoon)

 


Latest News

  • Xukuumadda Somaliland Ayaa Sheegtay In Gollayaasha Sharci Dajinta Ee Muddo Dhaafka
  • Maayirka Ceerigaabo oo digniin u diray Haay’addo warar beena ka faafiyay gobolkaasi
  • Shirwaynaha qaran ee hanaanka dhab u heshisiinta qaranka oo muqdisho lagu soo xidhay.
  • Siyaasi Cabdilaahi jawaan Muxu ka yidhi in Ethopia dhex dhaxaadineyso Somaliland iyo Soomaaliya
  • Deg Deg Dawladda Soomaaliya oo Ka Hadashay Safarkii Madaxwaynaha Somaliland ee Itoobiya.

Latest Articles

  • Somaliland – Dhuumasho Dhabarku Muuqdaa waa Dhib iyo Hadimo
  • Ogaysiis: UN HABITAT
  • Miyyi Ilaa Madaxtooyo: Sheeko Dhex Martay Siilaanyo iyo Sheekh Shariif
  • SHEEKH SHARIIF Xujada cusub ee Nabad iyo Nolol W/Q: Jabriil Cabdullaahi Calasow
  • Maamul Xumo baahsan oo hadhaysay Gobolka Daadmadheedh iyo Badhasaabkii ugu liitay Badhasaabadii soo maray gobolka oo uu ku iloobay Madaxweynuhu.

head


All Rights Reserved | Copyright © 2005-2016 : Togdheer News Network | Powered by Horn Digital