unnamed
uha-web-banner-ad Togdheer News Network
logo
logo
head
dahab
<<< Click here to contact us or Send Email to: editor@togdheernews.com>>>
head
head

Wufuud Culimo, Ciidan iyo Masuuliyiin Isugu Jira Oo Gaadhay Ceel Afweyn

Ceel-afweyn(Togdhnews)- Weftiyo kala duwan iyo Ciimmo Millateriga Somaliland ka tirsan, ayaa shalay gaadhay degmada Ceel-afweyn, kuwaasoo qayb ka ah Gurmadka adkaynta nabadgelyada deegaannada Dogoble iyo Dararweyne ee degmada Ceel-afweyn oo ka tirsan gobolka Sanaag.

Guddoomiyaha gobolka Sanaag Axmed Cabdi Falaay, Culimo ka tirsan Guddiga Wanaag-farista iyo Xumaan-reebista Somaliland ee gobolka Togdheer, Ciimadda Millateriga oo Askar iyo Saraakiilba leh, ayaa shalay gaadhay deegaannadaas, isla markaana waxay sheegeen inay halkaas u tageen soo celinta iyo adkaynta nabadgelyada deegaannadaas oo ay ku dirireen laba Beelood oo ood-wadaag ah, isla markaana Arbacadii iyo Khamiistii inna dhaafay isu geystay khasaare dhimasho iyo dhaawac isugu jira.

Waxaa Shaqaaqadaa labada Beelood ku dhex-martay deegaannada Dogoble iyo Ceel-afweyn ku dhintay Siddeed Ruux oo mid ka mid ahi ka tirsanaa Ciidammada Qaranka Somaliland iyo Toddoba Ruux oo ka kala tirsan labada Beelood, isla markaana ay ku dhaawacmeen dad intaas ka badan oo mid ka midi tahay Hooyo Umul ah.

Ceel-afweyn

“Illaa iyo maalintii ay wax dhaceen Ciidammada Qaranka iyo Booliska ayaa goobta joogay, iyadoo Xabbaddu dhacayso ayaannu annaga iyo Ciidammadu dhex-galnay, waanay mahadsan yihiin. Waxaanan dadka ugu baaqayaa inay awaamiirta Ciidammada u hoggaansamaan, isla markaana Culimada Illaahay dartii ugu timi ee gobolka Togdheer ka timi ee Calanka cad sidata, ee Diinta iyo Wanaagga idin faraysa maqla oo u hoggaansama baaqooda.” Sidaa ayuu yidhi Guddoomiyaha gobolka Sanaag Axmed Cabdi Falaay.

Sidoo kale, Saraakiil Ciidammada ka tirsan oo halkaas ka hadlay, ayaa sheegay inaanay nabadgelyada cidna ka baryeynin, isla markaana ay fulinayaan amarka Madaxweynaha ee ah in masuuliyadda Ciidanka saarani tahay inay nabadda sugaan, cid kasta oo dhibaataynaysa hadday qof tahay iyo hadday beel tahayna ay tallaabo ka qaadi doonaan Ciidan ahaan.

Gebo-gabadii Culimada Wanaag-farista gobolka Togdheer oo noqday Culimadii ugu horreysay ee deegaannadaas shaqaaqadu ka dhacday gaadhay, ayaa Dadka ku wacdiyey dhibaatada ay nabadgelya-darradu leedahay, culayska uu leeyahay qof Islaam ah dilkiisu iyo dhibaatooyinka aan hadhitaanka lahayn ee isku dhaca sokeeyaha oo ah Dadka Muslimka ahi ay leedahay Aakhiro iyo Adduunkaba.

Latest News

  • Siyaasi Ismaaciil Buubaa Oo Ka Hadlay Khilaafka Isgaadhsiinta ee u Dhaxeeya Somaliland Iyo Somaliya
  • Shir Lagaga Hadlayay Amaanka Dalalka Geeska Afrika ayaa Lagu Qabtay Dalka Jabuuti.
  • Madaxweyne Muuse Biixi Cabdi Oo Kulan La Qaatay Raysal Wasaaraha Dalka Itoobiya
  • Madaxweyne Farmaajo Oo Lagu Soo Dhaweeyay Magaalada Dhuusa Mareeb.
  • Taayirka La Tuuro Ee Gaadiidka Oo Laga Samaynayo Qalabka Guryaha.

Latest Articles

  • Maxaa inoo diidaya inaynu ciyaarno doorkeena siyaasadeed ee Gobolka inagoo bilaa aqoonsi ah! W/Q Mohamed Abdirahman
  • Tacsi Tiiraanyo Oo Leh Oo Ku Socda Marxuun Aadan Siciid (Aadan Dooc) Oo Ku Geeriyadoy Burco.
  • African Borders Are Based On Land, Not On Clans..Ibrahim Hassan Gagale
  • Farmaajo Dab buu ku ciyaarayaa. (Farmajo is playing with fire)…By: Ali Xaruuri
  • TACSI KU SOCOTA MARXUUMAD RUUN DAAHIR QODAX OO KU GEERIYOOTAY DALKA INGIRIISKA

head


All Rights Reserved | Copyright © 2005-2016 : Togdheer News Network | Powered by Horn Digital