unnamed
uha-web-banner-ad Togdheer News Network
logo
logo
head
dahab
<<< Click here to contact us or Send Email to: editor@togdheernews.com>>>
head
head

Wasiirka Madaxtooyada Oo Sharaxaad Ka Bixiyey Kulan Ay Weftigii Xukuumaddu La Yeesheen Guddida Nabadgalyada Gobolka Sool

 

“Kulan Daaran Dardargalin iyo Dardaaran Oo ayaanu Maanta La yeelanay Guddida Nabadgalyada Gobolka Sool.”  Wasiirka Madaxtooyada Jamhuuriyadda Somaliland

 

Laascaanood(Toogdhnews)Wasiirka Madaxtooyada Jamhuuriyadda Somaliland Md. Maxamuud Xaashi Cabdi oo hoggaaminaya Wefti ballaadhan oo ka socdaty Dawladda, oo ku sugan gobolka Sool ayaa sharaxaad ka bixiyey kulan ay la yeesheen guddida nabadgalyada gobolkaasi.

 

Wasiirka ayaa sheegay in kulankaasi uu ku saabsanaa meel marinta go’aamo ay ka soo sareen  Colaada ka socota koonfurka gobolkaasi ee u dhaxaysa beelaha Qayaad iyo Ba’harrarsame. Isaga oo geesta kalena amaanay habdhaqanka Ciidamada qaranka Somaliland ee deegaanadaasi ku sugan.

Mudane Maxamuud Xaashi ayaa arrimahaasi kaga hadlay hadal qoraal ah oo uu soo dhigay bartiisafa Facebook waxaanu yidhi “ Waxaan saaka shir ballaadhan ugu yeedhnay  guddida nabadgalyada gobolka Sool ee Jamhuuriyadda Somaliland oo ka kooban maamulka iyo saraakiisha  ciidamada kala duwan. Kulankaas waxaanu uga dan lahayn adkaynta iyo xoojinta nabadgalyada gobolka guud ahaan iyo gaar ahaanba, meel-marinta go’aamadii aanu weftigayagii Xukuumaddu ka soo saarnay xaalada shaqaaqooyinka taagan. Waxaan saraakiisha iyo masuuliyiinta kala duwan kula dardaarnay inay xilkooda iyo waajibaadkooda u gutaan si sharciga waafaqsan oo dadaal iyo daacanimo leh, waxaanu ku kalsoonahay in ay hawlahaa u fulin doonaan sidii loogu tallo galay.”

 

Wasiirka ayaa sidoo kalena bogaadiyey asluubta ciidamada  ku sugan Sool waxaanu yidhi “  Ugu dambayn waxaan ciidamada qaranka Jamhuuriyadda Somaliland ku bogaadinaynaa dadaalkii ay muujiyeen iyo doorkii ay ka qaateen adkaynta nabadgalayada gobolka Sool. Waxa kale oo Xukuumad ahaan sharaf noo ah in ciidamada qaranka la majeertay dhawr-soonaantooda iyo habdhaqanka,  anshaxa iyo asluubta wanaagsan ee ay kula dhaqmaan bulshada gobolka, arrintaana ay ka markhaati kaceen waxgaradka iyo waayeelka gobolka Sool oo aanu la kulanay.”

Geesta kalena Maxamuud Xaashi Cabdi ayaa gurigiisa ku booqday Garaad Cali Buraale Xasan oo ah Garaadka beesha Qayaad oo xanuun u jiiga, Wasiirka oo booqashadaasi ka hadlay ayaa yidhi “Waxaan saaka maamuus ahaan gurigiisa ku booqday Garaad Cali Buraale Xasan, oo ka mid ah ismimada waaweyn ee gobolka Sool, oo xanuun u jiifa. waxaan garaadka ILAAHAY ugu baryayaa inuu siiyo caafimaad kaamila, cimri dheer iyo camal suuban.”

 

Latest News

  • DaawoXisbiga WADDANI Oo Eedaymo Culus U Jeediyay Ciidamada Booliska Somaliland Iyo Jawaabta Ciidanka.
  • “Sicir Bararka Waxa Ka Mid Ah Dawladan 70-ka Wasiir Ah, Intaas Oo La Taliye Iyo Ninka Xilka Laga Qaaday Ee Mushaharkiisii Wali Qaata”..Xil Kijandhe
  • Daawo:Xarun Cusub Oo Loo Dhisayo Ciidamada Ilaalada Madaxtooyada Somaliland Oo La Dhagax Dhigay
  • Hoggaamiyaha Al-Qacida Ayman Al Zawahiri oo Farriin U Diray Kooxaha Ku Dagaalamaya Dalka Suuriya.
  • Daawo:Shirkadaha Korontada Hargeysa Oo Mar Kale Ku Celiyay Inay Wasaaradda Macdanta Iyo Tamartu Doonayso Inay Laydhka Kooto Ugu Xidho Shirkad Gaar Ah.

Latest Articles

  • Guddiga Qandaraasyada Qaranka, Hanti Dhawraha Guud iyo Guddiga Musuqmaasuqu ha iscasilaan (Q. 2aad)
  • Dr. Moxamd Cisman Fadal iyo xaaskiisa Zeinab Yusuf X. Adan Waxay Tacsi U Dirayaan..
  • Qisso cajiib ah : Beenta aad caruurtada bartaa dib ayay kuugu soo noqotaa adiga..WQ/Khadar Ibrahim Aar
  • Ambassador Gaaruf Muu Abbaarin Xaqiiqada Iyo Waxa Keenay Sarrif Bararka: W/Q Cabdiraxmaan Cadami
  • DULIN ABAAREED…WQ Cabdijibaar Aaden Gaas

head


All Rights Reserved | Copyright © 2005-2016 : Togdheer News Network | Powered by Horn Digital